.
.
إهداء إلى أول شعرة بيضاء في رأس أمي
.
.
شعرة شابت
.
مش مهم خدت حياتي
.
لو تكون وياها جابت
.
***
.
شعرة شابت ... والطبيعي
.
لما شعر الليل يشيب :
.
سحر أبيض يضوي فجأة
.
زي وردة من حبيب
.
نجمة تطلع في السما تنده خواتها
.
بدر يلمع من نزيف شمسه اللي فاتها
.
طفل شايب ينتبه
.
قبل الجمال ده ما يسحره
.
يفتكر قلبه القديم
.
قبل السنين ما تغيره
.
***
.
شعرة شابت
.
مش مهم خدت حياتي
مش مهم خدت حياتي
.
لو تكون وياها جابت
لو تكون وياها جابت
.
***
.
شعرة شابت يعني إنك :
.
سبت عمرك يجري منك
.
واتسرقت بنفس راضية
.
لما غبت وتهت عنك
.
بس زودت ف رصيد الحب شعرة
.
تسوى أهل وناس وصحبة وجنة خضرا
.
ضيع الإسود طموحك
.
شفت في الأبيض خلاصك
.
بعت عمرك واشتريت
.
احباب تساوي شعر راسك
.
***
.
شعرة شابت
.
مش مهم خدت حياتي
مش مهم خدت حياتي
.
لو تكون وياها جابت
لو تكون وياها جابت
.
***
.
هناك 9 تعليقات:
صدقنى يا إسلام يوم بعد يوم بتثبت موهبتك الجميلة جدا اللى الواحد مش عارف يقول ايه عليها.
بجد انا مش عارف اقولك ايه صدقنى ربنا يحميك ويزيدك نضوج وتألق دائما لأنك بجد تستاهل كل خير وربنا يوفقك دايما يارب.
اخوك محمد البلاط
جميلة يا إسلام
أجمل ما فى الموضوع نظرك لقيمة المشيب بعين معاصرة
قالوا فى القديم
لم أر كالشيب وقارا يجتوى ** أو كالشباب الغض ظلا يستلب
ومع احترامى للفكرة إلا إنى أراها نوعا من المواساة أكثر من كونها تبيينا لفضيلة الشعر الأبيض !!
هنا بينت فضائل الشعر الأبيض بصورة عصرية
أبعدتنا عن الفضيلة المكررة فى الأشعار للمشيب ، وفتحت آفاقنا لأبواب خصبة من الخيال الجيد فى غضون القصيدة
(( والطبيعي.لما شعر الليل يشيب :.سحر أبيض يضوي فجأة ))
بساطة وعمق
(( واتسرقت بنفس راضية ))
فالأمر يختلف عن مواساة شيوخ القدماء ،، فهنا العمر سرق ( بنفس راضية ) ويؤكد هذا اللازمة التى اتخذتها فى نهاية كل مقاطع القصيدة والتى تحتوى على كلمين يدلان على اللامبالاة بالأمر ( مش مهم ) ! ولكنها لا مبالاة مقيدة بـ ( لو تكون وياها جابت ) قد يكون القيد هنا نوعا من المواساة ولكنها - إن كانت كذلك - مواساة من نوع جديد ! ولكنى أرجح أن أحيلها إلى العمق فى الفكرة لا المواساة للنفس أو للغير
أما المقطع الأخير ففيه نوعان من الخلاص العبقرى ، خلاص من أعباء الحياه علامته هو الشعر الأبيض أو أولى بشائره ، والثانى خلاص جيد بالقارئ من بحر القصيدة إلى شاطئ الخلاص
تحياتى لك
أخوك المحب / أحمد داود
بسم الله
بارك الله فيك
وجعلك خير سند لامك
جميل ما كتبت
.
سحر أبيض يضوي فجأة
.
زي وردة من حبيب
.
نجمة تطلع في السما تنده خواتها
.
بدر يلمع من نزيف شمسه اللي فاتها
رائع جدا التشبيه ده
سلمت يداك... دمت متألقاً
هو سؤال يعني ملوش في الشعر خالص
لوتكون وياها جابت ايه؟؟
محمد البلاط
صديقي الأبيض المتوسط
أبيض القلب
متوسط الطول
غزير الحب مثل غزارة البحر الأبيض المتوسط في الماء
مرحبا بك
ومشاعرك أعرفها يا عزيزي
لكني أفرح بأن أقرأها هنا ويقرأها من يمر
ليعرف أنه قد توجد أخوة حقيقية في زمن مزيف
نورت يا صديقي العزيز
أحمد داوود
الناقد الواعد
(أكلمك باعتباري شاعر متحقق :) ويجب عليَّ تشجيعك)
المهم
تحليل رائع
أبعد مما تخيلت أن يعطي النص من أبعاد
عموما
وبكل جدية
أدعوك لاستثمار هذه الملكة في كتابات أكثر تخصصا وإفادة
دعك من شعري وشعر غيري ونقد التيك أواي واشتغِل على أعمال أكثر إفادة
وأظن أنك مؤهل كثيرا لأن تضيف أشياء في هذا المجال إذا اجتهدت وفتح الله عليك
لا حُرمتُ مودتك صديقي العزيز
غير معرف
جزيت خيرا
وتقبل الله دعاءك
..
أتمنى ألا تنسى التوقيع في المرة القادمة إذا أسعدني القدر ثانية ً ومررت من هنا
..
مودتي وتحيتي
أهلا عزيزتي دكتورة مروة السيد
شكرا على رأيك
أما عن : جابت إيه؟
فهي مساحة مفتوحة
شعرة شايبة جابت معاها احباب كتير جابت معاها انجازات حتى لو بسيطة
جابت معاها خبرات حياتية
جابت نضج ووقار
جابت تقوي وقرب من ربنا
حتى لو جابت فلوس وثروة
مساحة مفتوحة لكل ما تأتي به السنون من أشياء طيبة
أهلا بك دائما
شعرة شابت يعني إنك :
.
سبت عمرك يجري منك
.
واتسرقت بنفس راضية
.
لما غبت وتهت عنك
.
بس زودت ف رصيد الحب شعرة
.
تسوى أهل وناس وصحبة وجنة خضرا
انا دلوقتى بس اقدر اقول ان انا عرفت اختار اخويا
ههههههههههههههههههههههههههه
جامدة و ربنا يا اسلام
بس دى مش هعرف الحنها
امضاء
الملحن العبقرى و الرسام العالمى
السد هجرس
إرسال تعليق