| null.mp3 |
।
..
...
أغنية عبقرية للمطرب علي الحجار
كلمات : إبراهيم عبد الفتاح
ألحان : أحمد الحجار
توزيع : ياسر عبد الرحمن
...
..
.
لما الشتا يدق البيبان
لما تناديني الذكريات
لما المطر يغسل شوارعنا القديمة والحارات
ألقاني جايلك فوق شفايفي بسمتي
كل الدروب التايهة تنده خطوتي
كل الليالي اللي في قمرها قلبي بات
مش جاي ألومك عاللي فات
ولاجاي أصحي الذكريات
لكني باحتجلك ساعات
لما الشتا يدق البيبان
.
**********
.
كنا طفولة حب لسة فأوله
بنضم بإيدنا الحنين وبنوصله
خريف ندانا والشجر دبلان
بردانة كنتي وكنت أنا بردان
ضمت قلوبنا بشوق ولهفة نبضها
لما التقينا الخطوة عرفت أرضها
أجمل معاني الحب غنتها النايات
مش جاي ألومك عاللي فات
ولا جاي أصحي الذكريات
لكني باحتجلك ساعات
لما الشتا يدق البيبان
.
**********
.
تتصوري ... رغم اننا
شايفين طريقنا بينتهي
تتصوري
لا عمري هأقدر عالفراق
ولا أنتي عمرك تقدري
لسة حنيني بيندهك رغم البعاد
ولسة زهرة حبنا بتطرح ميعاد
لكن بيغرق حلمنا فبحر السكات
مش جاي ألومك عاللي فات
ولا جاي أصحي الذكريات
لكني بأحتجلك ساعات
لما الشتا يدق البيبان
.
*******
.
لما الشتا يدق البيبان
لما تناديني الذكريات
لما المطر يغسل شوارعنا القديمة والحارات
ألقاني جايلك فوق شفايفي بسمتي
كل الدروب التايهة تنده خطوتي
كل الليالي اللي فقمرها قلبي فات
مش جاي ألومك عاللي فات
ولاجاي أصحي الذكريات
لكني باحتجلك ساعات
لما الشتا يدق البيبان
.
*******
.
|
هناك 5 تعليقات:
الجميل فى الاغنية دى انها ما ينفعش حد تانى غير على الحجار يغنيها وده لانها خلطة سحرية يعرف طعمها بس الحجار
ولا جاى اصحى الزكريات فعلا لان الزكريات هى ا اللى بتصحينا كلمات جميله والاجمل اللحن بس ليه كله للحجار؟؟؟؟؟
يــــا من يعز عليـــنا ان نفارقهـــم
وجداننـا كل شيء بعدكم عــدم
عجبنى اوى بيت الشعر ده للمتنبى بس ليه كل الشعر اللى موجود فراق؟؟؟ معلش بسأل كتير مش تبخل علينا بالاجابه
حراز باشا
طب اتفضل دوق الخلطة ومش هتندم ابدا
:)
طبعا انا وانت من عشاق فن المطرب الرائع علي الحجار
إبداع متكامل
عبقرية الكلمة واللحن والتوزيع والصوت والروح
ربما تحتاج هذه العبقرية أحيانا لمستمع من نوع خاص
لذلك لا أتضايق من عدم فهم أغلب الناس لهذا الفن الراقي
نورت
نادو
أو ناهد
الزميلة العزيزة
زميلة الجامعة
أهلا بك في المدونة
الذكريات تفعل الكثيييير
توقظنا وتؤرقنا وتضحكنا وتبكينا وأشياء كثيرة
ملحوظة مهمة
أما لماذا كل الأغنيات لعلي الحجار
لأني أحبه وهذه مدونتي :)
وأحب أن أقدم لأحبابي أجمل ما أراه جميلا
ولولا اختلاف الأذواق لبارت السلع يا أختي
لذلك أضيف على كلمتك :
كلمات جميلة والأجمل اللحن والأجمل وأجمل الصوت والأداء
*
ليه كل الشعر الموجود فراق ؟
بسبب حالة الغربة التي أعيشها على كل المستويات والتي تفرض نفسها عليّ ولا أفرضها على نفسي
أنت تعرفين أنني مرح بالفطرة
عندما أخرج من هذه الحالة أو أهرب منها أعدك أن أغير هذه الأغنيات والأشعار الكئيبة
*
أهلا بك دائما زميلتي العزيزة
إرسال تعليق