ارتجال شعري متبادل بيني وبين صديقي محمد الصنهاوي
على الفيس بوك
لم يكن مقصودا ॥ لكنه خرج ذا مسحة جمال
فأحببت أن أنقله منسقا
ثم أورده بعشوائيته في الردود كما جاء في الفيس
كل عام وأنتم جميعا بخير
*
إسلام :
شكرا يا عيد يا ابن ام عيد
علشان بينسانا الفرح
وتزورنا في المنفي البعيد
تغسل قلوبنا البردانين
بحزنك الدافي الجديد
!!!
**
صنهاوي :
شكرا ياعيد
ياصاحبي يارحلة حياة
ياوفي
...ياندل
ياللي فيك كل العبر
...توفي في معادك كل عام
وده طبع من صنع القدر
وبتخلف الفرحة ساعات
وشربت ليه طبع البشر ؟
سلامات ياعيد ياابن الأمل
ياشاب زي الورد
يامكحكح عجوز
فرحان ياعيد يمكن انا
حزنان يجوز
ماعادتش فارقة أكون باكركر
ولااكون مديها بوز
مادمت وحدي ياعم عيد ايه الجديد ؟
سلامات ياعيد
سلامات ياعيد
من بنطلوني اللي كاويه
من بدلتي
من ركن أوضتي اللي ينام الحلم فيه
من فرشتي
من حضرة الكورة البلاستيك
من خيط في طيارتي الورق
ومسدس المية اللي طول عمره يطاوع رشتي !!
سلامات كمان من دنيتي ...الساكنة تحت مخدتي
لما ترحب بالضيوف اللي ساعات ومروّحين
انا قصدي يعني : " عيديتي "
سلامات ياعيد
وبحق كل اللي بيهديك السلام
حاول ترجّع فرحتي
*
إسلام :
سلا مات !
ومين ياخد عزاه ؟!
لو كل شيء ودَّع معاه
...سلا عمر غالي وذكريات
وازاي يقولوا عليها ماتت ..
أو يقولو عليه دا مات
وهو دا معنى الحياه
بنحب لمعة عين ولد
ع الدكه بيشخبط فنون
لما العيون
بتصحي جوانا الطفوله والجنون
وتعيد لنا سْنين الصبا
بنحب راجل في ابتسامته الطيبه
تشوفه تتذكر أبوك
يمكن في تكشيرته اللذيذه المتعبه
تلمح أخوك
بنحبنا
لما الدموع والضحكايات بتدلـِّـنا
على أم بتشاور لنا
بين طبطبة لحظة ألم
بنحب علشانها الألم
وبعدها يصبح سراب
أو كهربة لسعة قلم
وقت العقاب
لما بنرسم أو نشخبط في الكتاب
أو ننسى نقفل بعد طيشنا ألف باب
سلا مات !
ولو مات .. يبقى ليه
في الفرح بنخبط عليه ؟!
ونقول له سلـِّـفنا ابتسامه من معاك
أو كون معانا وقت ما نعيـّد هناك
والضحكة تنده بس منشوفهاش
سلامات ..
دي كدبة ..
الحزن قالها كتير ولاكنـُّو مصدقهاش
الكلمة دي من تاني ماتقولهاش
أو قلها ..
لكن تتقلب : سلا عاش
*
الثلاثاء، 16 نوفمبر 2010
الاشتراك في:
تعليقات الرسالة (Atom)
هناك 26 تعليقًا:
ردود الفيس بترتيبها على الستيتس الأصلي
:
الستيتس الأصلي
(إسلام هجرس)
:
شكرا يا عيد يا ابن ام عيد
علشان بينسانا الفرح
وتزورنا في المنفي البعيد
تغسل قلوبنا البردانين
بحزنك الدافي الجديد
...!!!
التعليق الأول
(إسلام هجرس)
:
مش رغبة في الكآبة والله العظيم
انا قلت اجَرِّي ايدي كدا بتهنئة للاحباب
طلعت كدا
:)
...كل سنة وانتو طيبين يا جماعة
التعليق الثاني
(أحمد حسن)
:
و انت بألف صحة و هنا يا شاعرنا المغترب و ليس الغريب
بس انت عرفت أم عيد دي فين؟
التعليق الثالث
(رفيدة حامد)
:
أستاذ إسلام حين يكون الحزن نابع من القلب يخرج دون أن نسمح له
أسعد الله غربتك وأعادك إلى وطنك سالما
بس فعلا مين أم عيد؟
التعليق الرابع
(أ/مدحت صديق)
:
محتاجين قلمك يا فنان ... متعنا بيه كمان و كمان
التعليق الخامس
(د/محمود الشيخ)
:
كل سنه وانت طيب يا اسلام
وام عيد بالصحه والسلامه
التعليق السادس
(عبد الرحمن البنبي)
:
كل سنة وانت طيب يا حبيبى والسنة الجاية ان شاء الله تكون حققت احلامك وامالك وتكون بين احضان اخوانك يا حبيبنا يا غالى
التعليق السابع
(الصنهاوي)
:
شكرا ياعيد
ياصاحبي يارحلة حياة
ياوفي
ياندل
ياللي فيك كل العبر
...توفي في معادك كل عام
وده طبع من صنع القدر
وبتخلف الفرحة ساعات
وشربت ليه طبع البشر ؟
سلامات ياعيد ياابن الأمل
ياشاب زي الورد
يامكحكح عجوز
فرحان ياعيد يمكن انا
حزنان يجوز
ماعادتش فارقة أكون باكركر
ولااكون مديها بوز
مادمت وحدي ياعم عيد ايه الجديد ؟
سلامات ياعيد
سلامات ياعيد
من بنطلوني اللي كاويه
من بدلتي
من ركن أوضتي اللي ينام الحلم فيه
من فرشتي
من حضرة الكورة البلاستيك
من خيط في طيارتي الورق
ومسدس المية اللي طول عمره يطاوع رشتي !!
سلامات كمان من دنيتي ...الساكنة تحت مخدتي
لما ترحب بالضيوف اللي ساعات ومروّحين
انا قصدي يعني : " عيديتي "
سلامات ياعيد
وبحق كل اللي بيهديك السلام
ترجّع فرحتي
التعليق الثامن
(الصنهاوي)
:
حلوة الكآبة دي ياعم اسلام ؟
اشرب بقي
قابلني بالليل علي الياهو ييجي الساعة 1 بالليل كده علشان نحاول نفرح
...
كل سنة وانت حلو ياحلو :)
التعليق التاسع
(إسلام هجرس)
:
أحمد باشا حسن
سفير جمهورية مصر العربية في البرازيل العربية المتحدة
وانت طيب يا صديقي
اما عن ام عيد
...فربنا يستر على ولايانا
ومتفتحش عين عيد
هو اه عيد بكره عيد كبير
بس عنيه لسه مفتحتش
يا اما الامر هيكون فيه دبح
:)
التعليق العاشر
(إسلام هجرس)
:
أخت رفيدة
أهلا بيكي
وجزيت خيرا على دعواتك
أم عيد هقوللك عليها
...بس يفضل سر
:
بدون لف ودوران
زوجة أبو عيد
:)
وبردو ربنا يستر على ولايانا
التعليق 11
(إسلام هجرس)
:
أستاذ مدحت
كتير عليا الكلام ده
نورت يا أستاذي
التعليق 12
(إسلام هجرس)
:
دكتور محمود
وانت طيب يا سيدنا
وخفوا شوية يا عالم على ام عيد
مش كدا يعني
...يعني هو الواحد ميعرفش يفضفض بحبة غزل صريح
؟
!مشاهدة المزيد
التعليق 13
(إسلام هجرس)
:
عبد الرحمن
وانت طيب يا جميل
والكلام الجامد دا مقدرش عليه
انت عارف اني في سن خطر
:)
التعليق 14
(إسلام هجرس)
:
صنهاوي باشا
الله عليك
رائع جدا اللي انت قلته
مع ملاحظة صغيرة
هنسخ كلماتك والصقها تاني واحط الملاحظة
...وبعدين ردي
عموما هي لا تؤثر شيء على المتن
أسعدتني رغم الكآبة
يا صديج
التعليق 15
(إسلام هجرس)
:
صنهاوي :
شكرا ياعيد
ياصاحبي يارحلة حياة
ياوفي
...ياندل
ياللي فيك كل العبر
...توفي في معادك كل عام
وده طبع من صنع القدر
وبتخلف الفرحة ساعات
وشربت ليه طبع البشر ؟
سلامات ياعيد ياابن الأمل
ياشاب زي الورد
يامكحكح عجوز
فرحان ياعيد يمكن انا
حزنان يجوز
ماعادتش فارقة أكون باكركر
ولااكون مديها بوز
مادمت وحدي ياعم عيد ايه الجديد ؟
سلامات ياعيد
سلامات ياعيد
من بنطلوني اللي كاويه
من بدلتي
من ركن أوضتي اللي ينام الحلم فيه
من فرشتي
من حضرة الكورة البلاستيك
من خيط في طيارتي الورق
ومسدس المية اللي طول عمره يطاوع رشتي !!
سلامات كمان من دنيتي ...الساكنة تحت مخدتي
لما ترحب بالضيوف اللي ساعات ومروّحين
انا قصدي يعني : " عيديتي "
سلامات ياعيد
وبحق كل اللي بيهديك السلام
حاول ترجّع فرحتي
التعليق 16
(إسلام هجرس)
:
الرد :
سلا مات !
ومين ياخد عزاه ؟!
لو كل شيء ودَّع معاه
...سلا عمر غالي وذكريات
وازاي يقولوا عليها ماتت ..
أو يقولو عليه دا مات
وهو دا معنى الحياه
بنحب لمعة عين ولد
ع الدكه بيشخبط فنون
لما العيون
بتصحي جوانا الطفوله والجنون
وتعيد لنا سْنين الصبا
بنحب راجل في ابتسامته الطيبه
تشوفه تتذكر أبوك
يمكن في تكشيرته اللذيذه المتعبه
تلمح أخوك
بنحبنا
لما الدموع والضحكايات بتدلـِّـنا
على أم بتشاور لنا
بين طبطبة لحظة ألم
بنحب علشانها الألم
وبعدها يصبح سراب
أو كهربة لسعة قلم
وقت العقاب
لما بنرسم أو نشخبط في الكتاب
أو ننسى نقفل بعد طيشنا ألف باب
سلا مات !
ولو مات .. يبقى ليه
في الفرح بنخبط عليه ؟!
ونقول له سلـِّـفنا ابتسامه من معاك
أو كون معانا وقت ما نعيـّد هناك
والضحكة تنده بس منشوفهاش
سلامات ..
دي كدبة ..
الحزن قالها كتير ولاكنـُّو مصدقهاش
الكلمة دي من تاني ماتقولهاش
أو قلها ..
لكن تتقلب : سلا عاش
التعليق 17
(صنهاوي)
:
سلا عاش ياعمنا
التعليق 18
(أحمد حسن)
:
فكرتني بطارق باشا بركة
سلا مات
سلا عاش
سلا تمنه رخيص ببلاش
التعليق 19
(إسلام هجرس)
:
الله
فعلا ليه قصيدة اسمها كدا؟؟؟؟؟؟؟؟؟
يبقى انا اخدتها من العقل الباطن
وانا مفكر انها من افتكاساتي
:)
التعليق 20
(أحمد حسن)
:
لا بس مش في اي ارتباط بيناتهم
هو بس تخاطر لفظي
و مش تسألني يعني ايه تخاطر لفظي
هي طلعت كدا
و أجري على الله
الرد 21
(إسلام هجرس)
:
وحشتني يا احمد والله
اهو انت من ضمن الذكريات الحلوة
فاكر قصيدة
:
...
شكوت وكيف مثلي ليس يشكو
إذا ما تاه في دنيا الحريم
اللي كنت هتنطرد من البيت علشانها
الرد 22
(أحمد حسن)
:
انا فاكر القصيدة
بس مش فاكر سبب الطرد من البيت بسببها
بعيد عنك الذاكرة خلاص
بح
...تعيش انت
:)
الرد23
(إسلام هجرس)
:
:)
يا سيدي متدقش
:)
إرسال تعليق